കുവൈറ്റിൽ 50 സ്റ്റോറുകൾ പൂർത്തിയാക്കി ഗ്രാൻഡ് ഹൈപ്പർ; 50 ദിവസത്തെ ആഘോഷങ്ങൾക്ക് തുടക്കം

കുവൈറ്റിൽ 50 സ്റ്റോറുകൾ പൂർത്തിയാക്കി ഗ്രാൻഡ് ഹൈപ്പർ; 50 ദിവസത്തെ ആഘോഷങ്ങൾക്ക് തുടക്കം

കുവൈറ്റ്: കുവൈറ്റിലെ മുൻനിര റീട്ടെയിൽ ശൃംഖലയായ ഗ്രാൻഡ് ഹൈപ്പർ തങ്ങളുടെ പ്രവർത്തനം 50 സ്റ്റോറുകളിലേക്ക് വ്യാപിപ്പിച്ചതിന്റെ നാഴികക്കല്ല് ആഘോഷിക്കുന്നു. ഇതിന്റെ ഭാഗമായി &039;50 സ്റ്റോറുകൾ, 50 ദിവസങ്ങൾ&039; എന്ന പേരിൽ വിപുലമായ ആഘോഷപരിപാടികൾക്ക് കമ്പനി തുടക്കമിട്ടു. ഓഗസ്റ്റ് 12-ന് ആരംഭിച്ച ഈ ആഘോഷങ്ങൾ സെപ്റ്റംബർ 29 വരെ നീണ്ടുനിൽക്കും. കുവൈറ്റിലെ ആറ് ഗവർണറേറ്റുകളിലുമായി വ്യാപിച്ചുകിടക്കുന്ന മുഴുവൻ ശാഖകളിലും ഉപഭോക്താക്കൾക്കായി പ്രത്യേക ഓഫറുകളും വിനോദ പരിപാടികളും ഒരുക്കിയിട്ടുണ്ട്. അൽ അസിമ, ഹവല്ലി, ഫർവാനിയ, മുബാറക് അൽ കബീർ, അഹ്മദി, ജഹ്റ എന്നീ ആറ് ഗവർണറേറ്റുകളിലായി 50 സ്റ്റോറുകൾ പൂർത്തിയാക്കിയത് കമ്പനിയുടെ ദീർഘകാലമായുള്ള വികസന ലക്ഷ്യങ്ങളുടെ നേട്ടമാണ്. ഉപഭോക്താക്കൾക്ക് ഗുണമേന്മയുള്ള ഉൽപ്പന്നങ്ങൾ എളുപ്പത്തിൽ ലഭ്യമാക്കുക എന്ന ലക്ഷ്യത്തോടെയാണ് ഈ മുന്നേറ്റം സാധ്യമാക്കിയത്. ആഘോഷങ്ങളുടെ ഭാഗമായി സൂപ്പർമാർക്കറ്റ്, ഫ്രെഷ് പ്രൊഡ്യൂസ്, ഇലക്ട്രോണിക്സ്, ഫാഷൻ, ഹോം എസൻഷ്യൽസ് തുടങ്ങിയ എല്ലാ വിഭാഗങ്ങളിലും ആകർഷകമായ പ്രമോഷനുകളും ബണ്ടിൽ ഓഫറുകളും ഒരുക്കിയിട്ടുണ്ട്. കൂടാതെ, തിരഞ്ഞെടുത്ത സ്റ്റോറുകളിൽ കുട്ടികൾക്കായി പ്രത്യേക മത്സരങ്ങളും ലൈവ് വിനോദ പരിപാടികളും സംഘടിപ്പിക്കുന്നുണ്ട്. ഗ്രാൻഡ് ഹൈപ്പറിന്റെ ഓൺലൈൻ പ്ലാറ്റ്‌ഫോമായ &039;ഗ്രാൻഡ് ഓൺലൈൻ കുവൈറ്റി&039;ലൂടെയും ഈ ആഘോഷങ്ങളുടെ ഭാഗമാകാം. ആപ്പ് വഴി പ്രത്യേക ഡിസ്കൗണ്ടുകളും സൗകര്യപ്രദമായ ഹോം ഡെലിവറിയും ഇതിലൂടെ ലഭ്യമാകും. വർഷങ്ങളായി തങ്ങളെ വിശ്വസിച്ച് കൂടെനിന്ന ഉപഭോക്താക്കൾക്ക് നന്ദി അറിയിക്കുന്നതിനാണ് ഈ 50 ദിവസത്തെ ആഘോഷങ്ങൾ സംഘടിപ്പിക്കുന്നതെന്ന് ഗ്രാൻഡ് ഹൈപ്പർ റീജിയണൽ ഡയറക്ടർ അയ്യൂബ് കച്ചേരി പറഞ്ഞു. ഹവല്ലിയിലെ കോർപ്പറേറ്റ് ഓഫീസിൽ നടന്ന സ്വകാര്യ ചടങ്ങിൽ അയ്യൂബ് കച്ചേരി ലോഗോ പ്രകാശനം ചെയ്തു. ചടങ്ങിൽ സി.ഇ.ഒ മുഹമ്മദ് സുനീർ, സി.സി.ഒ ഒ. ശരീഫ്, ജി.എം കുബേര റാവു, മറ്റ് കോർപ്പറേറ്റ് മാനേജർമാർ എന്നിവരും പങ്കെടുത്തു.